Almatyda koronavırýs aýrýynyń tómendeýine qandaı sharalar áser etti
ALMATY. QazAqparat- Almaty qalasy sanıtarlyq-epıdemıologııalyq baqylaý departamentiniń basshysy Jandarbek Bekshın koronavırýs aýrýyn azaıtý men saqtaný sharalary týraly aıtty, dep habarlaıdy QazAqparat tilshisi.
Megapolıstiń memlekettik bas sanıtarlyq dárigeri Ashyq júıesin engizý arqyly aýrýdyń tómendeýine shaǵyn jáne orta bıznes nysandaryn monıtorıngtik toptardyń júıeli baqylaýy áser etkenin atap ótti.
Sondaı-aq qoǵamdyq oryndarda (kireberisterde, baspaldaq alańdarynda, balalardyń oıyn alańdarynda) profılaktıkalyq dezınfektsııa júrgizý oń nátıje berdi.
Jandarbek Bekshın Almatyda Ashyq jobasy osy jyldyń aqpan aıynan bastap júzege asyrylyp jatqanyn eske saldy.
Onyń mindetteriniń biri – juqtyrǵan turǵyndar men olardyń baılanys jasaǵan tulǵalarynyń qoǵamdyq oryndarǵa barýyn shekteý. Sondaı-aq, eki aptalyq úı karantınin saqtaý mindetti.
Spıkerdiń málimetinshe, joba bastalǵannan beri Almatyda óz mártebesin skanerleý nátıjeleri boıynsha 1235 turǵynnyń qyzyl mártebesi rastaldy, 298 turǵynnyń sary mártebesi anyqtaldy.
Jobanyń taǵy bir artyqshylyǵy – mobıldi qosymshanyń kómegimen úı karantınin buzbaı «qashyqtan» tekserý múmkindigi bar. Osylaısha, qosymshanyń arqasynda Almatyda 649 turǵynnyń qyzyl mártebesi, 144 turǵynnyń sary mártebesi rastaldy.
«Júrgizilgen sharalardyń, sondaı-aq Ashyq jobasynyń nátıjesinde KVI boıynsha táýliktik ósim 6 esege tómendedi. Sońǵy táýlikte Almatyda mamyr aıynyń alǵashqy kúnderinde 605 – 608 jaǵdaıǵa qarsy koronavırýstyń 143 jaǵdaıy tirkeldi», - dedi Almaty qalasynyń memlekettik bas sanıtar dárigeri Jandarbek Bekshın.
Sonymen qatar, ol kásipkerlerdi joba talabyna adal bolýǵa, belgilengen shekteýlerdi saqtaýǵa shaqyrdy, óıtkeni joba karantındik jeńildiktermen jumys isteýge múmkindik beredi.
