Almatyda koronavırýs anyqtalǵan úılerdiń mekenjaılary jarııalandy
ALMATY. QazAqparat – Almatyda koronavırýs anyqtalǵan turǵyn úılerdiń mekenjaılary jarııalandy, dep habarlaıdy QazAqparat tilshisi.
Buǵan deıin habarlaǵanymyzdaı, qalada ınfektsııa tirkelgen 10 oshaq anyqtaldy. Búginde 2 jekemenshik úı men 8 kópqabatty úı oqshaýlandy.
Qala ákimdiginiń baspasóz qyzmeti usynǵan aqparatqa sáıkes, kelesi mekenjaılar karantınge jabyldy:
Altaı shaǵynaýdany - 1, 8;
Jasqanat shaǵynaýdany, 86;
Eńlikgúl, 34 A;
Zenkov, 59;
Dostyq, 162;
Gogol, 75
Saryoı, 234;
Jarokov, 16;
Jeltoqsan, 125;
Baıtursynov, 78/1
«Barlyq oshaqtarda epıdemııaǵa qarsy profılaktıkalyq sharalar júrgizilip jatyr. Medıtsına mamandary barlyq turǵyndardyń densaýlyǵyn baqylaýda ustap otyr. Bul terrıtorııalarda dúkender men dárihanalardyń toqtaýsyz jumys isteýi qamtamasyz etilgen», - dedi ákimdiktiń baspasóz qyzmetinen.
Qazaqstanda qaýipti indetti juqtyrǵandar sany 49-ǵa jetti. Onyń ishinde Almatyda - 22, Nur-Sultanda - 25 jáne Qaraǵandyda - 2 jaǵdaı tirkelgen.
