Almatyda kornovırýs juqtyrǵan 16 naýqastyń bireýiniń jaǵdaıy aýyr
ALMATY. QazAqparat – QR Densaýlyq saqtaý mınıstrliginiń málimdemesinen keıingi 93 naýqastyń qataryna taǵy 16 adam qosyldy, olardyń bári vırýs juqtyrǵan jandarmen qarym-qatynasta bolǵandar. Bul týraly Almaty qalasy Qoǵamdyq densaýlyq basqarmasy málimdedi, dep habarlaıdy QazAqparat tilshisi.
«Qazirgi ýaqytta Almatyda koronavırýs indetin juqtyrǵan naýqastar sany 109-ǵa jetti. 16 naýqastyń bireýiniń jaǵdaıy aýyr, qalǵandarynyń densaýlyǵy qanaǵattanarlyq. Olardyń bári de koronavırýs juqtyrǵandyǵy rastalǵanda stantsıonarda oqshaýlandyrylǵan edi», - delingen qalalyq densaýlyq saqtaý basqarmasy taratqan habaralamada.
Tórt naýqas «Máskeý – Almaty» reısimen ushyp kelgen bir jolaýshymen baılanysta bolǵan. Olardyń bireýi naýqastyń anasy, 2009 jáne 2017 jyly týǵan eki balasy jáne bir baılanysta bolǵan adam.
«Ekeýi – 16 naýryzda Stambýldan, ekeýi – 10 naýryzda «Máskeý – Almaty» reısimen ushyp kelgen, taǵy bireýi – 13 naýryzda Berlın reısimen jetken, endi bireýi vırýs juqtyrǵan adammen baılanysta bolǵan»,-delingen habrlamada.
Almatyda koronavırýstan emdelip shyqqandardyń jalpy sany – 19.
Olardyń bári qazirgi tańda 14 kúndik úı karantıninde.
