Almatyda kórnekti jazýshy, Uly Otan soǵysynyń ardageri Leonıd Gırshtiń «Otty jyldardaǵy Stalıngrad» kitabynyń tusaýkeseri ótedi

ASTANA. 9 aqpan. QazAqparat - 11 aqpanda Almaty qalasyndaǵy Dostyq úıinde Qazaqstan halqy Assambleıasynyń múshesi, kórnekti jazýshy, Uly Otan soǵysynyń ardageri Leonıd Gırshtiń Stalıngrad shaıqasynyń 70 jyldyǵyna arnalǵan «Ognennyı Stalıngrad» kitabynyń tusaýkeseri ótedi.

Bul týraly Qazaqstan halqy Assambleıasynyń baspasóz qyzmeti habarlady.

Leonıd Gırsh Stalıngrad shaıqasynyń qatysýshysy, bes ordenniń jáne 35 medaldiń ıegeri, soǵys kezeńi týraly kóptegen eńbekterdiń avtory. Kitap Stalıngrad shaıqasyna qatysqan erler estelikteriniń, stalıngradtyq jaýyngerler týraly qujattar men ocherkterdiń, qazaqstandyq jáne reseılik aqyndar óleńderiniń, maıdan hattarynyń negizinde jazylǵan.

Іs-sharaǵa Uly Otan soǵysynyń ardagerleri, Assambleıa Keńesiniń músheleri, etnomádenı birlestikter basshylary, jastar ókilderi jáne RF-nyń Almaty qalasyndaǵy dıplomatııalyq ókildiginiń músheleri shaqyrylǵan.