Almatyda kórnekti jazýshy Gerold Belgerdi eske alý keshi ótti
«Búgin biz elimizge belgili qoǵam qaıratkeri, qazaq, orys jáne nemis tilderinde qatar qalam terbegen kórnekti jazýshy, daryndy aýdarmashy, tamasha pýblıtsıst Gerold Belgerdi eske alý úshin jınalyp otyrmyz. Ol bıyl 7 aqpan kúni 81 jasyna qaraǵan shaǵynda dúnıeden ozǵan edi. Biraq, onyń patrıottyq rýhqa toly shyǵarmalary mádenıetimizdiń asyl qazynalary bolyp qala bermek», - dedi osy keshti ashyp jatyp belgili qoǵam qaıratkeri, mádenıettanýshy Murat Áýezov.
Ol sonymen qatar, Almatyda bir kóshege Gerold Belgerdiń esimin berý kerektigin alǵa tarty. Ger aǵa sońǵy 41 jyl ómirin osy Almaty qalasynda ótkizgen eken.
Jıyn barysynda Gerold Belgerdiń ómiri men shyǵarmashylyǵyna arnalǵan 20 mınýttyq fılm kórsetildi. Onda jazýshynyń Qazaqstandy óziniń shyn otany sanaıtyndyǵy, Almatyny qatty unatatyndyǵy týraly aıtqan jan tebirenterlik áńgimeleri kórermenderdi qatty tolqytty.