Almatyda kórnekti rejısser, óner qaıratkeri Esmuhan Obaev jaıynda kitap pen fotoalbom jaryq kórdi
ALMATY. 24 qazan. QazAqparat /Názıra Eleýhan/ - Almatyda «Áıgili adamdar» serııasymen «Rejısser Esmuhan Obaev» dep atalatyn jańa kitap pen fotoalbom jaryq kórdi.
Demalys kúni Almatyda Qazaqstannyń eńbek sińirgen óner qaıratkeri, Qazaqstannyń halyq artısi, Memlekettik syılyqtyń ıegeri Esmuhan Obaevtyń 70 jasqa tolýyna arnalǵan mereıtoılyq keshte atalmysh basylymdardyń tusaýy kesildi.
Bul basylymdar kórnekti teatr rejısseri, óner jáne mádenıet qaıratkeri, QR halyq ártisi, professor Esmuhan Obaevtyń óneri men ómir jolynan syr shertedi. Kitaptarda ulttyq teatr rejıssýrasynyń kóshin bastaǵan rejısser, táýelsiz Qazaqstan óneri men mádenıetiniń salıqaly óner saıasatynyń júzege asýyna kóp eńbek sińirgen qaıratkerdiń jastyq shaǵynan bastap tolysqan shyǵarmashyl tulǵa dárejesine kóterilgen búgingi kúnge deıingi ómir-óner kezeńderi keńinen qamtylǵan.
Respýblıka teatr óneri men mádenı tynysyn keń aıada tanytatyn atalmysh kitaptar óner zertteýshilerine, teatr qaýymy men qalyń jurtshylyqqa arnalǵan.
