Almatyda kórnekti ǵalym, tilshi Marhabat Tomanovtyń 80 jyldyǵyna arnalǵan halyqaralyq ǵylymı-teorııalyq konferentsııa ótip jatyr
ALMATY. 20 aqpan. QazAqparat - Almatyda ál-Farabı atyndaǵy QazUÝ-de qazaq til bilimi men ǵylymynyń damýyna zor úles qosqan kórnekti tilshi-ǵalym, fılologııa ǵylymdarynyń doktory, professor Marhabat Tomanuly Tomanovtyń týǵanyna 80 jyl tolýyna oraı «Fılologııanyń qazirgi zamanǵy trendteri: dástúri men bolashaǵy» atty halyqaralyq ǵylymı-teorııalyq konferentsııa ótip jatyr.
Konferentsııa jumysy barysynda memlekettik tildiń qoldanylýy men onyń áleýmettik mártebesi; lıngvıstıka damýyndaǵy qazirgi kezeńdegi basymdyqtar; tilaralyq qarym-qatynas: túrki tilderiniń salystyrmaly zertteýleri; álem keńistigindegi túrkitaný ǵylymy; tarıhı grammatıka jáne qazirgi túrki tilderi; mátinniń tildik aspektisi jáne mádenıet deńgeıi; stýdentterdiń tildik daıyndyǵyndaǵy ınnovatsııalar; kórkem aýdarma jáne ádebıettaný poetıkasynyń máseleleri syndy taqyryptar kóterilip, talqylanatyn bolady.
Konferentsııaǵa Ál-Farabı atyndaǵy Qazaq ulttyq ýnıversıtetiniń fılologııa, ádebıettaný jáne álem tilderi fakýltetteriniń oqytýshy-professorlyq quramy, ǵalymdar, til mamandary jáne stýdentter qatysýda.
Plenarlyq májilisten soń Marhabat Tomanov atyndaǵy aýdıtorııanyń ashylý rásimi ótedi.
