Almatyda kórnekti ánshi - kompozıtor Muhıt Meráliulynyń 170 jyldyǵyna arnalǵan án keshi ótedi
ALMATY. 18 sáýir. QazAqparat /Erbol Azanbek/ - Sáýirdiń 27-si kúni Almatydaǵy Qazaqkontsert zalynda qazaqtyń kórnekti ánshi-kompozıtory Muhıt Meráliulynyń 170 jyldyǵyna arnalǵan «Án Muhıty» atty dástúrli ánder keshi ótedi.
Sharany «Adyrna» ulttyq-etnografııalyq birlestigi men Ál-Farabı atyndaǵy Qazaq ulttyq ýnıversıteti birigip ótkizedi. «Dástúrli mýzykany saǵynýshylardy Muhıt ánderimen qaýyshtyryp, onyń muralaryn jas urpaqqa nasıhattaýdy maqsat tutyp otyrmyz»,- deıdi buǵan deıin Birjan sal, Aqan seri shyǵarmashylyǵynan án keshterin uıymdastyrǵan «Adyrna» ulttyq-etnografııalyq birlestiginiń jetekshisi Arman Áýbákir.
Án keshine batys óńirinen Qatımolla Berdiǵalıev, Saǵadat Rahmetjanov syndy Muhıt ánderin nasıhattaýshy óner sańlaqtary arnaıy shaqyrylǵan. Sonymen qatar keshke Jolaman Qujımanov, Sáýle Janpeıisova, Ramazan Stamǵazıev, Aıgúl Qosanova, Erkin Shúkimanov, Yrysty Súleımenova, Marhabat Myqtybekov, Erkin Nurhanov, Erlan Rysqalı jáne taǵy basqa da óner juldyzdary qatysady.
