Almatyda kórkemsóz oqý sheberleriniń qalalyq baıqaýy ótip jatyr

Memlekettik tildiń qoldanylý aıasyn keńeıtý, memlekettik til saıasatyn keńinen nasıhattaý jáne talantty jastardy jan-jaqty kótermeleý maqsatyndaǵy bul sharany qalalyq tilderdi damytý, muraǵattar jáne qujattama basqarmasy uıymdastyryp otyr. «Oǵan 15-30 jas aralyǵyndaǵy talapkerler qatysýda. Úsh kezeńnen turatyn bul óner básekesinde olar aldymen prozalyq, odan keıin dramalyq shyǵarmadan úzindi oqıdy. Al aqtyq kezeńde mánerlep óleń oqýdan saıysqa túsedi. Qazylar alqasy baǵalaý kezinde kórkem mátindi oqý sheberligine, daýys mánerine jáne til tazalyǵyna, mátindi tańdaý talǵamyna, sahnada ózin-ózi ustaýyna, kıim sánine basa nazar aýdarady», - deıdi atalmysh basqarmanyń bas mamany Qymbat Nursultanqyzy.