Almatyda qorǵanys isteri qyzmetkeri men polıtseı alaıaqtyq jasady degen kúdikke ilindi
Bul týraly elimizdiń sybaılas jemqorlyqpen kúres qyzmeti habarlady.
Almaty qalasynyń sybaılas jemqorlyqpen kúres qyzmeti sybaılas jemqorlyq qylmysyn jasady degen kúdik boıynsha jáne Almaty qalasy Áýezov aýdany qorǵanys isteri jónindegi basqarmasy bólim bastyǵynyń mindetin atqarýshy men polıtsııa basqarmasy kezekshi bóliminiń ınspektoryna (jergilikti áskerı basqarý organyna issaparǵa jiberilgen) qatysty sotqa deıingi tergeýdi aıaqtady.
Memlekettik fýnktsııalardy oryndaýǵa ýákiletti tulǵalar bola otyryp, olar áskerı qyzmetin keıinge qaldyrý jáne azamattarǵa áskerı bılet berý syltaýymen jalpy somasy 470 myń teńgeni birneshe ret alaıaqtyq jolmen ıemdengen degen kúdik keltirilip otyr.
Qylmystyq is kúdiktilerdi sotqa berý týraly máseleni qaraý úshin prokýrorǵa joldandy. Kúdiktilerge qatysty olardyń kinálilik dárejesin anyqtaýmen túpkilikti sheshimdi sot shyǵarady.