Almatyda qorǵansyz áıeldi qorqytyp, 15 600 000 teńgesin qoldy etkenderge sot úkimi shyqty
ALMATY. QazAqparat - Almatyda qorǵansyz áıeldi qorqytyp, 15 600 000 teńgesin qoldy etkenderge qatysty sot úkimi shyqty. Bul týraly qalalyq sottyń baspasóz qyzmeti habarlady.
Qylmystyq ister boıynsha aýdanaralyq mamandandyrylǵan soty D.Qasymov pen S.Qýandyqovty QR QK 192 baby boıynsha aıypty dep tapty. S.Qýandyqov sot sheshimimen 11 jyl 6 aıǵa, D.Qasymov 11 jylǵa bas bostandyǵynan aıyryldy.
Іs materıaldaryna sáıkes, tanys azamatshanyń úıinde aqsha men altyn buıymdar baryn bilgen eki er adam úıdi tonaǵan. Esikti ashqan qojaıyndy soqqyǵa jyqqan olar úıdegi bar buıymdy alyp ketken. Qoldy bolǵan múliktiń quny 15 600 000 teńgeni quraǵan.
Ázirge sot úkimi zańdy kúshine engen joq.
