Almatyda kópjyldyq ósimdikter úlesi 17-den 60%-ǵa deıin ulǵaıtylmaq
ALMATY. QazAqparat - Almatyda qala aýmaǵyn kógaldandyrý jobasy júzege asýda. Jobaǵa sáıkes kópjyldyq ósimdikter úlesin 17%-dan 60%-ǵa deıin ulǵaıtý josparlanýda. Bul týraly Almaty qalasy ákimdiginiń baspasóz qyzmeti málim etti, dep habarlaıdy QazAqparat tilshisi.
Ákimdikten habarlaǵandaı, bıyl qalada kópjyldyq ósimdikterdiń jalpy kólemi 50%-dan asty, ıaǵnı, 74,3 sharshy metrdi qurady (raýshan – 40 600, ehınatseıa - 7 200, lıleınık – 4 000, lavanda – 7 500, shalfeı – 3 600, mıskantýs – 5 200, gortenzııa – 3 500 jáne t.b).
Birjyldyq jáne kópjyldyq ósimdikter negizinen sáýir-mamyr aılarynda otyrǵyzylady. Olardy kútip-baptaý jumystary maýsym qyrkúıek aralyǵynda, al gúlzarlardy jınap, jýalardy otyrǵyzý qazan aıynda júrgiziledi.
«Bıyl jalpy kólemi 159 myń sharshy metr jer gúlmen bezendirilip, 26 myń sharshy metr jerge gazon egildi»,- dep habarlady ákimdikte
