Almatyda kópten kútken «Azııa daýysy» festıvali bastaldy

ALMATY. QazAqparat – Almatyda «Medeý» muz aıdynynyń tarıhı arenasynda aty ańyzǵa aınalǵan «Azııa daýysy» festıvali 20 jyldan soń qaıta oraldy, dep habarlaıdy QazAqparat tilshisi.

Uıymdastyrýshylardyń aıtýynsha, bul festıval burynǵydan ózgeshe. Dástúrli halyqaralyq oryndaýshylar baıqaýy bolmaıdy. Bul – jańǵyrý kontserti. Birinshi kún asa aıryqsha bolmaq. Qyzyl kilem tóselgen ashylý saltanatyn, aty ańyzǵa aınalǵan A-Studio tobynyń mıýzıkliniń túsirilimin kórýge múmkindik bar.

Birinshi kúngi kontsert tańǵalarlyq dron shoýymen aıaqtalady dep josprlanǵan. Festıvaldiń ekinshi kúni – sahnada BLACK EYED PEAS! Will.I.Am, Taboo jáne apl.de.ap kórermender aldyna álemdi tańǵaldyratyn hıtterimen shyǵady. Festıvaldiń úshinshi jáne sońǵy kúni ańyzdar men urpaqtar sabaqtastyǵy ıdeıasyn qozǵaıdy. Ortalyq Azııa juldyzdary – Roza Rymbaeva, Naǵıma Esqalıeva, Jámılá Serkebaeva, Erkesh Shákeev, Medeý Arynbaev, Erlan Kókeev, Ádil Chekılov, Parvız Nazarov, Jyldyz Osmonalıeva, Baýyrjan Isaev, «Dara» toby óner kórsetpek. Al, Ádil Chekılov pen Parvız Nazarov, Naǵıma Esqalıeva men Dıas Abylaev, Roza Rymbaeva eki uly Mádı Rymbaev pen Álı Oqapovpen birge án shyrqaıdy. Dástúrge aınalatyn taǵy bir tańǵajaıyp jańalyq bar. «Azııa daýysy» tarıhynda alǵash ret Medeý sahnasyndaǵy qoıylymdar naǵyz estradalyq-sımfonııalyq orkestrdiń súıemeldeýimen ótedi. Ony álemdik deńgeıdegi juldyzdarmen jumys istegen, aty ańyzǵa aınalǵan dırıjer Aleksandr Belıakov basqarmaq.Festıval qazaq óneriniń ańyzy Bıbigúl Tólegenovanyń quttyqtaý sózimen ashyldy. Sodan keıin sahnada qazaq estrada juldyzdary óner kórsete bastady.Buǵan deıin Almaty turǵyndary «Azııa daýysy» festıvaline avtobýspen tegin bara alatyny týraly jazǵan bolatynbyz.