Almatyda kóppáterli úılerdiń 73 paıyzy basqarýdyń jańa formasyna kóshti

ALMATY. QazAqparat – Megapolıste 1 118 múlik ıeleriniń birlestigi tirkelip, 3 692 jaı seriktestik irikteýden ótti. Bul týraly óńirlik kommýnıkatsııalar qyzmetinde ótken brıfıngide qalalyq kommýnaldyq ınfraqurylymdy damytý basqarmasynyń basshysy Danııar Qyryqbaev málim etti, dep habarlaıdy QazAqparat tilshisi.

Basqarma basshysynyń málimetinshe, qalada 8 879-dan astam kóppáterli turǵyn úı bar, olarǵa 820 páter ıeleri kooperavtıvi men páter ıeleriniń tutyný kooperatıvteri qyzmet kórsetedi.

«Qazirgi tańda 1 118 múlik ıeleriniń birlestigi (MIB) tirkelip, 3 692 jaı seriktestik (JS) irikteýden ótti. 5 175 kóppáterli turǵyn úıdi qamtıtyn 4 810 jańa basqarý nysany quryldy. Osylaısha, kóppáterli úılerdiń 73 paıyzy basqarýdyń jańa formasyna kóshti», - deıdi Danııar Qyryqbaev.

Sonymen qatar, ol turǵyn úı-kommýnaldyq sharýashylyǵy reformasyn júzege asyrý úshin qalalyq Jol kartasy bekitilgenin atap ótti.

«TÚKSh reformasyn júzege asyrý úshin biz qalalyq Jol kartasyn bekittik, 300-ge jýyq onlaın kezdesý ótkizildi, sondaı-aq Call-ortalyq aıasynda 4 500-ge jýyq turǵynǵa keńes berildi. Budan bólek, basqarma birneshe ret barlyq múddeli arnaıy qyzmetterdiń qatysýymen ashyq esik kúnin ótkizýge bastamashylyq etti, onda MIB nemese JS basqarýdyń jańa nysandaryna kóshý boıynsha barlyq qajetti túsindirmeler men keńes berildi. Oǵan 600-ge jýyq turǵyn qatysty», - dedi spıker.