Almatyda kóppáterli úıde bolǵan órtte úsh adam, sonyń ishinde 3 jasar bala jaraqat aldy

QR Tótenshe jaǵdaılar mınıstrliginen málim etkendeı, órt Jetisý aýdany Borzovaıa kóshesindegi 4 páterli turǵyn úıde 13 qazan kúni tańerteńgi saǵat jeti jarym shamasynda shyqty. Oqıǵa ornyna dereý jetken QR TJM Almaty qalasy boıynsha TJD órtke qarsy qyzmetiniń jıyrma adamy men tórt tehnıkasy tilsiz jaýdyń oshaǵyn 43 mınýtta joıyp, taǵy 2 saǵattan keıin tolyǵymen aýyzdyqtady.

Jalynnyń sharpyǵan jalpy aýmaǵy 60 sharshy metrdi qurady. Órt barysynda túrli jaraqattar alǵan 31 jáne 27 jastaǵy azamattar men 3 jasar bala aýrýhanaǵa jetkizildi.