Almatyda kópqabatty úıdiń syrtqy qaptamasy opyrylyp tústi
ALMATY. QazAparat – Almatyda kópqabatty úıdiń bir jaq qabyrǵasynyń syrtqy qaptamasy opyrlyp tústi, dep habarlaıdy QazAqparat tilshisi.
«Búgin túski saǵat 12:55-te Tótenshe jaǵdaılar departamentine Alataý aýdany «Zerdeli» yqshamaýdany, 1/36 mekenjaıynda qatty jeldiń saldarynan 5 qabatty turǵyn úıdiń syrtqy qaptamasy qulaǵany týraly habarlama tústi. Úıdiń batys jaǵynda 40 sharshy metr aýmaqta qaptamasy opyrylyp túsken. Zardap shekender men qaza tapqandar joq»,– dep habarlady Almaty qalalyq Tótenshe jaǵdaılar departamentiniń baspasóz qyzmetinen.
Oqıǵa ornynda Alataý aýdany ákimdiginiń qyzmetkerleri jumys istep jatyr. Úıdiń jan-jaǵyna qorshaýlar qoıyldy.
