Almatyda kópqabatty úıdiń shatyrynda dıskoteka uıymdastyrǵandar anyqtaldy
ALMATY. QazAqparat – Almatylyq áıel polıtsııaǵa kópqabatty úıdiń shatyrynda uıymdastyrlǵan dıskotekaǵa shaǵymdandy, dep habarlaıdy QazAqparat tilshisi.
«Men sizdiń atyńyzǵa ótinish jazdym. Baızaqov kóshesi, 170 mekenjaıynda ornalasqan 9 qabatty úıdiń shatyrynda ár aptanyń juma jáne senbi kúnderi dıskoteka uıymdastyrylady. Mýzykanyń daýysynyń qattylyǵy sonsha búkil aýdanǵa estiledi. Sizden osy máselege qatysty shara qoldanýyńyzdy suraımyn», - dep shaǵymdandy almatylyq áıel Facebook arqyly Almaly aýdandyq polıtsııa bóliminiń bastyǵy Esen Ysqaqovqa.
Polıtsııa qyzmetkerleri bul shaǵymdy negizge ala otyryp, tártip buzýshylarǵa aıyppul salǵan.
«Shaǵym boıynsha Almaly aýdandyq polıtsııa bóliminiń qyzmetkerleri shuǵyl sharalar qabyldady. Baızaqov kóshesi, 170 mekenjaıynda ornalasqan 9 qabatty úıdiń shatyryn tekserdi, kinálilerge 434-2 bap – «Qoǵamdyq oryndardyń lastanýy», 440-bap - Alkogoldik ishimdikter ishý nemese mas kúıinde qoǵamdyq oryndarda júrý boıynsha hattama toltyryldy», - dedi Esen Ysqaqov.
Páter ıesine 13 890 teńge aıyppul túrinde ákimshilik hattama toltyryldy.
