Almatyda kópqabatty úıdiń lıft shahtasynan shyqqan órt sóndirildi

ALMATY. QazAqparat - Almatyda kópqabatty úıdegi órt sóndirildi, dep habarlaıdy QazAqparat.

Tótenshe jaǵdaılar mınıstrliginiń baspasóz qyzmetinen habarlaǵandaı, qyzyl jalyn saǵat 18:46 kezinde oqshaýlanyp, sońyra sóndirilgen.

Úıdiń 1 jáne 16 qabatynda elektr kabelderi janǵan.

Eske sala keteıik, biz buǵan deıin 16 qabatty úıde órt tutanǵanyn habarlaǵan edik.

Búgin saǵat 17:10-da TJD kúsh-quraldary Alataý aýdany «Aqkent» yqshamaýdanynda ornalasqan 54-shi úıge shuǵyl attanǵan.

«Órt sóndirýshiler oqıǵa ornyna 6 mınýtta jetti. Olar 16 qabatty turǵyn úıdiń 5-qabatyndaǵy páter ashyq jalynmen janyp jatqanyn anyqtady. Qazir adamdar evakýatsııalanyp jatyr»,- dep habarlady vedomstvodan.