Almatyda kópqabatty úıdiń balkondary órtenip jatyr
ALMATY. QazAqparat - Almatyda kópqabatty úıdiń balkondary otqa orandy, dep habarlaıdy QazAqparat tilshisi.
Qalalyq TJD baspasóz hatshysy Sandýǵash Baımuhambetovanyń aıtýynsha, shuǵyl habarlama TJD kezekshisine saǵat 16:03-te túsken.
«Órt sóndirýshiler oqıǵa ornyna jetkende, Kókjıek shaǵyn aýdanyndaǵy № 32 úıdiń 3 balkony otqa oranǵan. Adamdar qaýipsiz jerge kóshirildi. Qazir órt sóndirý jumystary jalǵasyp jatyr», - dedi S.Baımuhambetova.
Qalalyq TJD ókili tolyq aqparatty keıinirek habarlaıtyndyǵyn jetkizdi.
