Almatyda kópqabatty úıden órt shyqty
ALMATY. QazAqparat – Almatyda kópqabatty úıden órt shyqty. Oqıǵa ornyna jetken órt sóndirýshiler úsh adamdy qutqardy, dep habarlaıdy QazAqparat tilshisi.
«Búgin saǵat 15.23 -te «101» pýltine Almaly aýdany, Manas kóshesi, 3 mekenjaıynda órt bolyp jatqany týraly habarlama tústi. Saǵat 15.29-da oqıǵa ornyna jetken qutqarýshylar 4 qabatty úıdiń úshinshi qabatyndaǵy páter órtenip jatqanyn anyqtaǵan», - dep málim etti TJD.
Adamdardy izdeý jáne tilsiz jaýdy aýyzdyqtaý úshin gaz tútinnen qorǵaý qyzmeti jumyldyryldy.
«Tórtinshi qabattyń balkonynan baspaldaq arqyly ana men balasy qutqaryldy (1986 jyly týǵan áıel, 2015 jyly týylǵan bala). Sondaı-aq, qutqarýshylar tórtinshi qabattaǵy páterdiń birinde qamalyp qalǵan 2000 jyly týǵan qyzdy qutqardy. Tómengi qabattyń turǵyndary úıden ózderi shyǵyp úlgergen», - dep qosty baspasóz qyzmeti.
Qolǵa alynǵan sharalardyń arqasynda órt 22 mınýtta tolyqtaı sóndirilip, úsh adam qutqaryldy.
Aldyn ala boljam boıynsha, úshinshi qabattaǵy páterde turmystyq zattar janǵan.
