Almatyda kópqabatty úıden órt shyǵyp, turǵyndar evakýatsııalandy
ALMATY. QazAqparat - Almatyda kópqabatty úılerdiń birinen órt shyǵyp, turǵyndar evakýatsııalandy, dep habarlaıdy QazAqparat tilshisi.
Almaty qalalyq Tótenshe jaǵdaılar deparatamentiniń málimetinshe, 3 qańtar kúni saǵat 10:13 kezinde «101» pýltine Almaly aýdany, Brýsılovskıı kóshesi, 167-úıden órt shyqqany týraly habar kelip tústi.
«Órt sóndirý brıgadasy 18 qabatty úıdiń 4-qabatyndaǵy eki bólmeli páterdiń as bólmesin jáne taǵy bir bólmeni 30 sharshy metr aýmaqta ot sharpyǵanyn anyqtady. Qabyldanǵan sharalarmen órttiń taralýy 10:44-te toqtatylyp, 10:59-da joıyldy. Jalynnyń 5-qabatqa taralýyna jol berilmedi. Zardap shekkender joq. Oqıǵa sebebi anyqtalyp jatyr», - dep habarlady Almaty qalalyq Tótenshe jaǵdaılar departamentiniń baspasóz qyzmetinen.
Órtti sóndirýge 43 maman men 11 birlik tehnıka jumyldyryldy.
«Gaz-tútinnen qorǵaý qyzmetiniń toptary 75 turǵyndy, onyń ishinde 25 balany qaýipsiz orynǵa evakýatsııalady. Arnaıy jasaqtan kelgen Daewoo avtobýsy evakýatsııalanǵan turǵyndardy jylytý sharalaryn qolǵa aldy.
