Almatyda kópqabatty úıden órt shyǵyp, bir adam kóz jumdy
ALMATY. QazAqparat - Almatyda turǵyn úıde shyqqan órtten bir adam mert boldy, dep habarlaıdy QazAqparat tilshisi.
Órt týraly aqparat tótenshe jaǵdaılar departamentine 8 qarasha kúni tańǵy saǵat 06:41 kezinde túsken.
Órt sóndrýshiler Bostandyq aýdany «Qazaqfılm» shaǵyn aýdanyndaǵy mekenjaıǵa joǵary dárejedegi shaqyrtýǵa shyqty.
Órt sóndirýshiler kelgen kezde bes qabatty úıdiń birinshi qabatynyń baspaldaǵyn qoıý qara tútin basqan.
Turǵyndardyń basym bóligi páterinen syrtqa shyǵyp úlgergen.
Al órtke oranǵan páterge gaz-tútinnen qorǵaý qyzmetiniń mamandary qutqarý quraldarynyń kómegimen temir tordy buzyp, as úıde qamalyp qalǵan 75 jastaǵy úı ıesin shyǵardy.
Ájesi eki nemeresin qaýipsiz jerge shyǵaryp úlgergen. Barlaý kezinde úsh bólmeli páterdiń birinde er adamnyń bar ekeni týraly aıtyldy.
Іzdestirý-qutqarý jumystary barysynda janyp jatqan bólmeniń ishinen 1977 jyly týǵan er adamnyń denesi tabyldy.
Zardap shekkender jedel járdem brıgadasyna tapsyryldy.
Órtti sóndirýge 30 qyzmetker, 6 tehnıka jumyldyryldy.
Órt qýattap qoıǵan elektrosamokattan shyǵýy múmkin degen boljam bar.
