Almatyda kópqabatty úı órtendi
ALMATY. QazAqparat – Almatyda kópqabatty turǵyn úıden órt shyqty, dep habarlaıdy QazAqparat tilshisi.
Janyp jatqan úıdiń vıdeosy áleýmettik jelilerde paıda boldy.
«Búgin, 10 qyrkúıek kúni keshki saǵat 17:48 mınýtta órt sóndirý esepteri Almaly aýdany Rozybakıev kóshesi, 45 mekenjaıy boıynsha shaqyrtýǵa jiberildi. Kópqabatty turǵyn úıdiń 5-qabattaǵy páteri men balkony ashyq jalynmen janyp jatqany anyqtaldy. Qyzyl jalyn 7-shi qabattyń balkonyn sharpyp úlgergen. Qabyldanǵan sharalardyń arqasynda órt sóndirýshiler 22 mınýttyń ishinde jalyndy oqshaýlap, taǵy 10 mınýttan keıin tolyqtaı sóndirdi»,– dep habarlady Almaty qalalyq Tótenshe jaǵdaılar departamentiniń baspasóz qyzmetinen.
Órtti sóndirýge jeke quramnan 19 adam men 5 tehnıka, sonyń ishinde órt baspaldaǵy jumyldyryldy.
Tilsiz jaý 60 sharshy metr aýmaqty sharpyǵan. Oqıǵa sebebi anyqtalyp jatyr.
