Almatyda kópqabatty úı buryshtaryn qaptaýǵa tyıym salynady
ALMATY. QazAqparat – Almatyda jańa dızaın-kod erejeleriniń engizilýine baılanysty buryshta ornalasqan páter ıelerine úılerin syrtynan qaptaýǵa tyıym salynady, dep habarlaıdy QazAqparat tilshisi.
Bul máseleni Facebook jelisinde qala turǵyny Dına Izbastova kóterdi.
Ol Aqsaı-4 shaǵyn aýdanynda ornalasqan kópqabatty úıdiń sýretin jarııalady.
Buryshtaǵy páter ıeleri úılerin penoplastpen qaptaǵan.
Qalalyq Josparlaý jáne ýrbanıstıka basqarmasy bul máselege qatysty pikir bildirdi.
«Bolashaqta ortaq erejeler – dızaın kody engizilgennen keıin turǵyndar tıptik normaǵa saı óz úıleriniń syrtqy kelbetin ózderi qadaǵalaıtyn bolady. Ol kezde ortaq arhıtektýralyq qasbetke qarsy shyǵyp, basqasha jasaý múmkin bolmaıdy», - dedi basqarmadan.
Munyń aldynda qalada ortaq dızaın-kod engiziletini jaıly jazǵan bolatynbyz.
