Almatyda kópqabatty turǵyn úıdiń elektr kabelderi janyp ketti - TJM
ASTANA. Sáýirdiń 12-si. QazAqparat - Ótken demalys kúnderi Almaty qalasyndaǵy 14 qabatty turǵyn úılerdiń birinde, jerastyndaǵy avtoturaqtan úıdiń joǵary qabatyna deıin jalǵanǵan tok kabelderi jandy.
Adamdar qaýipsiz jerge kóshirildi.
Tótenshe jaǵdaılar mınıstrliginen habarlaǵandaı, sáýirdiń 10-y kúni tańerteńgi saǵat 7 jarymda Bostandyq aýdany Masanshy kóshesi, 98 «B» úıindegi energııamen qamtý shahtasynda jáne energııany taratý qalqandarynda elektr kabelderiniń janýy bolyp, órt jer astyndaǵy avtoturaqtan bastap úıdiń joǵary 14-shi qabatyna deıin taraǵan. Onyń jalpy aýmaǵy 65 sharshy metrdi qurady. Úıden 48 adam dereý qaýipsiz jerge kóshirildi.
Vedomstvo baspasóz qyzmetinen málim etkendeı, zardap shekkender men qurban bolǵandar joq. Tilsiz jaý TJM Almaty oblysy boıynsha TJD órtke qarsy qyzmetiniń jeke quramdaǵy 72 adamy men 13 tehnıkasynyń kúshimen 1 jarym saǵattan keıin aýyzdyqtaldy.
