Almatyda kópqabatty avtoturaqtar salynady
ALMATY. QazAqparat- Jyl sońyna deıin Almaty qalasynda kópqabatty avtoturaqtar salý baǵdarlamasy ázirlenedi. Bul týraly shahar basshysy Erbolat Dosaev Áýezov aýdany turǵyndarymen kezdesý barysynda aıtty, dep habarlaıdy QazAqparat tilshisi.
Kezdesýge kelgen aýdan turǵyny avtoturaq máselesin kóterdi.
«Áýezov aýdanyndaǵy máselelerdiń biri - avtoturaq. Kósheler mashınaǵa lyq toly, kólik júretin joldar jartylaı jabylyp qalǵan. Nátıjesinde órt sóndirý, jedel járdem kólikteri kire almaı qalady. Kópqabatty avtoturaqtar salý kerek dep oılaımyn»,- dedi aýdan turǵyny.
Erbolat Dosaev aldaǵy ýaqytta kópqabatty turaqtar salynatynyn málim etti.
«Jyl sońyna deıin Almaty qalasynda kópqabatty avtoturaqtar salý baǵdarlamasyn usynbaqpyz. Bul aýlalardy ishinara bosatady. 2023 jyly biz jeke ınvestorlarmen jumys isteı bastaımyz»,- dep jaýap berdi qala basshysy.
Buǵan deıin Almatyda aqyly avtoturaqtar qalanyń menshigine qaıtarylǵany týraly jazǵan bolatynbyz.
Foto: highways.today
