Almatyda kópirden sekirmek bolǵan jigit qutqaryldy
ALMATY. QazAqparat - Almatyda polıtsııa qyzmetkerleri qyz úshin ómirimen qoshtaspaq bolǵan jigitti qutqardy, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmeti habarlaǵandaı, 26 jastaǵy Qyzylorda oblysynyń týmasy kópirden sekirmek bolǵan.
«Halıýllın kóshesimen ońtústikke kele jatqanda Qulja tas joly kópirinde bir jigittiń sekireıin dep turǵanyn kórdik. Meniń áriptesim Jandos Dúısenbekov birden jigittiń qasyna baryp ýaqytty sozýǵa tyrysty. Men ekinshi jaǵynan bardym. Bul jigit súıgen qyzymen urysyp qalyp, kúızeliske túsken eken. Biz ekeýmiz áńgimemen nazaryn buryp jatqan kezde ótip bara jatqan avtomobıl júrgizýshileriniń biri art jaǵynan kelip qapsyra qushaqtap ary tartyp ketti. Júrgizýshige kóp rahmet aıtamyz. Ol biz sóılesip jatqanda syrtymyzdan baqylap turdy. Keıin kómek kerek ekenin túsingende bizben ymdasa otyryp, art jaǵynan alyp ketti», - dedi qalalyq PD Ákimshilik polıtsııa basqarmasynyń arnaıy batalon ınspektor Ermek Meńǵalıev.
Kúızeliske túsken jigit qazir din aman. Mán-jaıdy túgel túsindirip aıtyp berdi. Oǵan psıhologııalyq kómek kórsetildi.
