Almatyda kópirden sekirmek bolǵan er adam qutqaryldy
ALMATY. QazAqparat - Almatyda kópirden sekirmek bolǵan er adam qutqaryldy, dep habarlaıdy QazAqparat tilshisi.
Oqıǵa Almatynyń Jetisý aýdanynda boldy. Ózi-ózine qol jumsamaq bolǵan egde jastaǵy adamdy birinshi bolyp «Býran-173» patrýldik polıtsııasynyń ekıpajy baıqady.
«Biz kezekshilikte bolǵan kezde, Soltústik aınalma kóshesi boıyndaǵy kópirde bir adamdy kórdik.Ol kópirden sekirmekke árekettenip jatty. Qyzmettik kóligimizben jyldam aınaldyq ta, birden sol jaqqa bardyq. Meniń áriptesim júgirip baryp, egde jastaǵy adamdy ustap úlgerdi», - dedi Almaty qalalyq PD JPQB patrýldik polıtsııa polkiniń qyzmetkeri Erlan Shaıahmet.
Sonymen qatar, patrýldik polıtsııa qyzmetkeriniń áriptesi birneshe sekýnd ishinde qımyldaý kerek bolǵandyǵyn aıtty.
«Men kólikten júgirip shyqqansha, bul adam bir aıaǵyn kópirdiń qorshaýynyń ústinen shyǵaryp úlgerdi. Biraq men onyń shalbarynyń beldigin tez ustap aldym da, ózime qaraı tarttym. Bul shamamen 63 jastaǵy egde adam. Ol bordıýrge otyryp, eńkildep jylady. Otbasy ony tastap ketken eken. Biz oqıǵa týraly jedel kezekshige habarladyq jáne er adamdy Jetisý aýdandyq polıtsııa basqarmasyna alyp keldik, oǵan aldymen psıhologııalyq kómek kórsetildi», - dedi Almaty qalalyq PD JPQB patrýldik polıtsııa polkiniń qyzmetkeri Abylaıhan Oqas.
Anyqtalǵanyndaı, ol mas bolǵan.
