Almatyda kópirden qulaǵan qyzdy kólik qaǵyp ketti
ALMATY. QazAqparat - Almatyda jas qyz jaıaý júrginshilerge arnalǵan kópirden qulaǵan. Jerde jatqan boıjetkendi kólik qaǵyp ketti, dep habarlaıdy QazAqparat tilshisi.
Bul oqıǵa búgin túski saǵat 13:00 shamasynda Altyn Orda bazary mańynda bolǵan.
Qalalyq polıtsııa qyzmetkerleri qyzdyń ózi sekirip ketkenin, ıa bolmasa abaısyzda qulap ketkenin tekserip jatyr.
«Bul derek boıynsha tekserý júrýde. Oqıǵanyń mán-jaıy anyqtalyp jatyr», - dedi qalalyq ІІD baspasóz qyzmetiniń jetekshisi Saltanat Ázirbek.
Boıjetken tiri qalǵan. Ony aýrýhanaǵa aýyr jaǵdaıda jedel járdem alyp ketti.
