Almatyda kópirden qulaǵan áıel aýrýhanada kóz jumdy
ALMATY. QazAqparat - Almatyda kópirden qulaǵan 41 jastaǵy áıel aýrýhanada kóz jumdy. Bul týraly QazAqparat tilshisine qalalyq Densaýlyq saqtaý basqarmasynyń baspasóz qyzmetinen habarlady.
Qaıǵyly oqıǵa keshe tańerteń saǵat 11:30-dar shamasynda bolǵan.
Áıel adam B.Momyshuly men Raıymbek dańǵyly qıylysyndaǵy kópirden qulap ketken.
Bolǵan oqıǵany kýágerler vıdeoǵa túsirip alǵan. Beınekadrda orta jastaǵy áıel adam qara jolda qozǵalyssyz jatqany kórinedi.
Kýágerlerdiń aıtýynsha, jedel járdem alyp ketkende ol tiri bolǵan.
«Áıel jedel járdemmen №7 qalalyq klınıkalyq aýrýhanaǵa jetkizilgen. Dárigerler onyń ómirin arashalap qalý úshin baryn saldy. Biraz ýaqyttan soń alǵan jaraqattarynyń aýyrlyǵynan ol esin jımastan qaıtys boldy», - dedi qalalyq Densaýlyq saqtaý basqarmasynyń baspasóz qyzmetinen.
Polıtsııanyń habarlaýynsha, 41 jastaǵy áıel adamdarǵa arnalǵan jaıaý júrginshilerge arnalǵan jolústi kópirinen sekirip ketken. Tergeýshiler áıeldiń óz ómirin qııýǵa bet burýy múmkindigin joqqa shyǵarmaıdy.
