Almatyda kópirden adam qulap ketti
ALMATY. QazAqparat - Almatyda jaıaý júrginshilerge arnalǵan kópirden adam qulap ketti, dep habarlaıdy QazAqparat tilshisi.
Tótenshe jaǵdaı Saın kóshesiniń boıynda bolǵan.
Oqıǵaǵa kýá bolǵandardyń aıtýynsha, kópirde velosıped qalǵan. Ol qulaǵan adamdiki bolýy múmkin.
Qulaǵan adamdy jedel járdem №7 aýrýhanaǵa alyp ketti. Mamandardyń aıtýynsha, onyń jaǵdaıy aýyr.
Polıtsııa adamnyń óz erkimen nemese yrqynan tys qulaǵanyn tekserip jatyr.
