Almatyda kópirdegi lıftiniń esigin syndyrǵan kúdikti ustaldy
ALMATY. QazAqparat - Almatyda kósheniń ústinen ótetin kópirdiń múgedekterge arnalǵan lıftisiniń esigin teýip syndyrǵan jasóspirimniń vıdeosy tarady, dep habarlaıdy QazAqparat tilshisi.
Instagram-daǵy vıdeo jeli qoldanýshylarynyń yzasyn keltirdi. Almaty polıtsııa departamenti ókilderiniń aıtýynsha, kámeletke tolmaǵan buzaqy ustalǵan.
«Vıdeomaterıaldan buzaqylyq áreketi qala magıstraldarynyń birinde jasalǵany kórinip tur. Tekseris kezinde ony 2003 jyly týǵan, kámeletke tolmaǵan azamat O. jasaǵany anyqtaldy. Bozbala osy áreketiniń nendeı saldarǵa ákep soqtyratynyn oılamaǵan. Biraq bul jaıt balany, onyń ata-anasyn jaýapkershilikten qutqarmaıdy. Jasóspirimniń ózi de sol jerge jaqyn mańda turady. Onynshy synypta oqıtyn bala aýqatty, tolyq otbasynda tárbıelenip jatyr. Onyń ata-anasymen sóılesip, bala tárbıesi boıynsha mindetterin durys atqarmaǵany úshin jaýapkershilik júkteletinin túsindirdik», deıdi Almaty polıtsııa departamentiniń Jergilikti polıtsııa qyzmeti basqarmasynyń ıývenaldyq polıtsııa bóliminiń bastyǵy, polıtsııa polkovnıgi Leıla Álipbaeva.
Іs materıaly Alataý aýdandyq polıtsııa basqarmasynda tirkelip, jasóspirimdi QR Ákimshilik quqyq buzý týraly kodeksiniń 435-babyna sáıkes ákimshilik jaýapqa tartý úshin Almaty qalasynyń kámeletke tolmaǵandar isteri jónindegi mamandandyrylǵan aýdanaralyq sotyna jiberildi.
Avtor: Elaman Turysbekov
