Almatyda kópir astynda 5 avtokólik soqtyǵysyp qaldy
ALMATY. QazAqparat - Almatyda kópir astynda qatarynan bes avtokólik soqtyǵysyp qaldy. Jol apatynyń vıdeosy jelige tarady, dep habarlaıdy QazAqparat tilshisi.
Qalalyq polıtsııa departamentinde jol apatynyń sebep-saldary aıtyldy.
19 shilde kúni, saǵat 19: 30 shamasynda HOWO markaly júk kóligin basqarǵan R. esimdi júrgizýshi Saın kóshesiniń boıymen batys baǵytta jáne Mustafın kóshesiniń kópiriniń astynda qashyqtyqty saqtamaǵandyqtan, Lexus LX 470 avtokóligimen soqtyǵysýǵa jol beredi. Alǵan soqqydan Lexus LX 470 avtokóligi ınertsııa boıynsha Toyota Corolla jáne Toyota Camry avtokólikterimen soqtyǵysady. Toyota Camry avtokóligi bir baǵytta kele jatqan Toyota Camry avtokóligimen soqtyǵysady.
Jol apaty nátıjesinde Lexus LX 470 kóliginiń jolaýshylary aýrýhanaǵa jetkizildi.
«Atalǵan fakt Bostandyq aýdandyq polıtsııa basqarmasynyń qyzmetkerlerimen tergelip jatyr», - dedi Almaty qalasynyń polıtsııa departamentiniń anyqtaý basqarmasynyń bastyǵy polıtsııa podpolkovnıgi Oljas Sháripov.
Vıdeodan alynǵan kadr
