Almatyda kópdeńgeıli avtoturaqtardyń qurylysy qashan bastalady
ALMATY. QazAqparat - Almaty ákimdigi bıyl kópdeńgeıli avtoturaqtar salý baǵdarlamasyn qolǵa almaq. Bul týraly qala ákimi Erbolat Dosaev Alataý aýdany turǵyndarymen kezdesýde aıtty, dep habarlaıdy QazAqparat tilshisi.
Kezdesý barysyndy bul suraqty aýdan turǵyndarynyń biri kóterdi. Ol bazar mańyndaǵy kólik turaǵy qıyn ekenin aıtyp, kópdeńgeıli avtoturaq salýdy usyndy.
«Siz máseleni durys kóterdińiz. Qalanyń aınalasyna kópdeńgeıli avtoturaqtardy engizemiz. Avtoturaqtan túsken qarjy jergilikti bıýdjetke túsedi. Bıyl baǵdarlamany qolǵa alyp jatyrmyz, oryndar izdeý jumystary bastaldy. Al bazarlarǵa kelsek, «Almaty avtoturaǵy» oryndardy berdi. Jobany júzege asyrý múmkindikterin qarastyramyz», - dep jaýap berdi Erbolat Dosaev.
Buǵan deıin qala ákimi mundaı avtoturaqtar aýlalardy kólikterden jartylaı bosatatynyn aıtqan edi.
Sondaı-aq byltyr Almatyda aqyly avtoturaqtar qalanyń menshigine qaıtarylǵan bolatyn.
