Almatyda kópbalaly jáne múgedek balalary bar otbasylarǵa tigin mashınasy tabystaldy
ALMATY. QazAqparat - Almatylyq kóp balaly analar men múgedek balany tárbıelep otyrǵan otbasylarǵa tigin mashınasy tabystaldy, dep habarlaıdy QazAqparat tilshisi.
Kóp balaly almatylyq analar men múgedek balalardy tárbıelep otyrǵan otbasylarǵa 35 dana tigin jabdyqtary tabystaldy. Endi olar alty aılyq tigý kýrsyn bastaıdy. Áleýmettik joba Almaty ákimdiginiń,
«Shınhan Bank Qazaqstan» AQ, «Damý» qory jáne «Shyraq» múgedektigi bar áıelder qaýymdastyǵynyń qoldaýymen jyl saıynǵy «Global one volunteer festival 2019» eriktiler festıvali aıasynda ótedi.
Sondaı-aq, festıvalǵa oraı «Neıropsıhıatrııalyq aýrýlary bar múgedek balalarǵa kúndizgi kútim ortalyǵy» tárbıelenýshilerine jańa tigin mashınalary tabystaldy. Munda múmkindigi shekteýli balalarǵa arnalǵan kesý jáne tigý kýrstary bar. Osylaısha, olar mamandyq alýǵa múmkindik aldy.
