Almatyda kópbalaly otbasylardyń balalaryna tegin kıno kórsetildi
ALMATY. QazAqparat - Halyqaralyq balalardy qorǵaý kúnine oraı Almatyda kópbalaly jáne az qamtylǵan otbasylardyń balalary úshin kınoteatrda fılmderdiń tegin kórsetilimi uıymdastyryldy, dep habarlaıdy QazAqparat tilshisi.
Sharany Bostandyq aýdanynyń ákimdigi uıymdastyrdy.
«Halyqaralyq balalardy qorǵaý kúnine oraı, aýdan kınoteatrlarynda kópbalaly jáne az qamtylǵan otbasylardyń balalaryna arnalǵan balalar fılmderiniń tegin kórsetilimi uıymdastyryldy. Alǵashqy kórsetilim 28 mamyrda ótti. Búgin keshke taǵy bir kórsetilim josparda. Bul sharaǵa 260 bala shaqyryldy «, - dedi Almaty qalasy Bostandyq aýdany ákiminiń ókili Dına Bildibaeva.
Sonymen qatar, mereke qarsańynda balalar «Qııal álemi» saıabaǵynda oınady.
«Búgin tańerteń 300 bala « Qııal álemi « saıabaǵynda boldy. Jaqyn kúnderi halyqaralyq balalardy qorǵaý kúnine oraı Á. Qasteev atyndaǵy memlekettik óner mýzeıine ekskýrsııaǵa aqysyz kirý jáne Almaty zoobaǵyna baǵyna saıahat uıymdastyrylady «, - dep qosty Dına Bildibaeva.
