Almatyda kópbalaly otbasylardyń balalary sýda júzý sabaqtaryna tegin qatysady
ALMATY. QazAqparat - Almatyda «Sporttyq Almaty» qalalyq baǵdarlamasynyń aıasynda 8-12 jas aralyǵyndaǵy jetkinshekter arasynda júzýden tegin sabaqtar bastaldy, dep habarlaıdy QazAqparat tilshisi.
Qalalyq Dene shynyqtyrý jáne sport basqarmasynyń baspasóz qyzmeti habarlaǵandaı, kásipqoı bapkerler balalardy basseındermen qamtylǵan bes sport kesheninde júzýge úıretetin bolady.
Olar Seıfýllın 404, 14, Tımırıazev 41, ıAssaýı 1B jáne Ótemisuly 1 (Shańyraq yqsham aýdany) mekenjaılarynda ornalasqan sport keshenderinde jattyǵady.
Jattyǵýlar jazdyń sońyna deıin aptasyna 2-3 márte ótedi.
«Bul ýaqyt júzý ádisterin úırenýge jetkilikti. Qatysýshylardy toptarǵa bóletin bolsaq, bastaýshylardy durys dem alýǵa úıretemiz, sodan soń, negizgi jattyǵýlarǵa kóshemiz. Olarǵa barlyq júzý ádisterin meńgerýge arnalǵan jattylǵýar jatady. Onyń eń kúrdelisi - batterflıaı. Baǵdarlamanyń sońyna deıin barlyǵy júzip úırenedi degen oıdamyn. Álbette, balalardyń yntalaryna da baılanysty. Alaıda, jetistikter jaman emes», - dedi Aquastars basseıniniń jattyqtyrýshysy Vıacheslav Gorev.
Mundaı sabaqtarǵa kópbalaly, jaǵdaıy tómen otbasylardyń balalary jáne balalar úıinen shyqqan jasóspirimder qatysa alady.
Aıta ketý kerek, qala ákimdigi tamyz aıynyń sońyna deıin 2000 balany júzý tásilderine úıretip shyqpaq.
«Bizde osyndaı baǵdarlamanyń baryna óte qýanyshtymyn. Osy arqyly árbir bala júzý ádisterin meńgere alady. Onyń aldynda talpynyp kórmeppin, biraq eki sabaqtan soń, arqammen júzýdi úırendim. Ári qaraı, basseınge kelip, tyrysatyn bolamyn», - dedi 10 jastaǵy Daýlet Aıaqbaı.
Eske sala keteıik, «Sporttyq Almaty» qalalyq baǵdarlamasynyń aıasynda bıyl qysta júzdegen bala konkı tebýdi tegin úırense, ótken jyly osy joba arqyly jetkinshekter atqa minýdi jáne júzýdi úırengen bolatyn.
