Almatyda kópbalaly otbasylardy qoldaý jónindegi jumys toby quryldy

ALMATY. QazAqparat – Almaty ákiminiń orynbasarlary Erjan Babaqumarov pen Saparbek Tuıaqbaev «Baqytty otbasy» kópbalaly jáne áleýmettik jaǵynan az qamtylǵan otbasylardy qoldaý ortalyqtarynyń ókilderimen kezdesti, dep habarlaıdy QazAqparat tilshisi.

Basqosýda kópbalaly otbasy múshelerin jumyspen qamtý, jeke kásibin júrgizý, materıaldyq bazany keńeıtý, baspana jaǵdaıyn jaqsartý máselesi talqylandy.

Búginde «Baqytty otbasy» ortalyqtarynda jumyspen qamtý boıynsha aýqymdy jumystar atqarylyp jatyr. Іsker áıelder qaýymdastyǵymen birige otyryp Isker ana jobasy iske qosyldy.

Erjan Babaqumarovtyń aıtýynsha, 2019 jyldyń tamyzynan beri turǵyndar «Baqytty otbasy» aýdandyq ortalyqtarynda aqparattyq keńes alǵan.

Sondaı-aq 2800 asa adam grant ıelenip, jeke bıznesterin bastaǵan.

«Bizdiń qalamyzda eń belsendi adamdar – áıelder. Sondyqtan, olardyń ózara pikir almasatyn, problemalary sheshiletin suhbat alańy bolýy tıis», - dedi E. Babaqumarov.

Kezdesý qorytyndysyna sáıkes áleýmettik ortalyqtardyń jumysyn jaqsartý boıynsha jumys tobyn qurý týraly sheshim qabyldandy.