Almatyda kópbalaly analarǵa medıtsınalyq maska taratyldy
Pandemııa kezinde azamattarǵa qoldaý kórsetý aıasynda «Nur Otan» partııasynyń Almaty qalalyq fılıaly qalanyń «Baqytty otbasy» 8 aýdandyq ortalyqtaryna kópbalaly analarǵa arnap 16 myń medıtsınalyq maska taratty.
Qorǵanys quraldaryn qala boıynsha «Baqytty otbasy» ortalyǵynyń úsh júz qyzmetkeri aldy.
«Aktsııa halyqqa karantın aıaqtalmaǵanyn jáne qaýipsizdik sharalaryn saqtaný kerektigin jetkizedi. Saqtyq sharalaryn ustanbaý sizdiń jáne jaqyndaryńyzdyń densaýlyǵyna zııan tıgizýi múmkin. Mamandardyń keńesterine júginip, ózderińizdi saqtaý kerektegin esterińizge salamyz», - dedi partııa múshesi Mádı Ahmetov.
Esterińizge salsaq, pandemııa kezinde partııa músheleri az qamtylǵan otbasylarǵa, ardagerlerge, múmkindigi shekteýli adamdarǵa, qaıyrymdylyq uıymdaryna kómek kórsetti. Sonymen qatar, olar tegin ystyq tamaq, medıtsınalyq buıymdar, dári-dármekter jáne jeke qorǵanys quraldarymen qoldaý kórsetýde.
Aıta keteıik, aktsııa barlyq qaýipsizdik sharalaryn saqtaı otyryp ótkizildi.
