Almatyda kóp balaly analarǵa zoobaqqa kirý bir aı boıy tegin bolady
ALMATY. QazAqparat - Almatyda aldaǵy qyrkúıek aıynda kóp balaly analar úshin zoobaqqa kirý bir aı boıy tegin bolady. Bul týraly búgin Almaty qalalyq haıýanattar baǵynyń baspasóz qyzmetinen habarlady.
«Almatyda 2016 jyldyń 1 qyrkúıeginen bastap, 30 qyrkúıekke deıin kóp balaly otbasylar úshin jergilikti haıýanattar baǵyna kirý tegin bolady. ıAǵnı, «Altyn alqa», «Kúmis alqa» nemese burynyraqta «Batyr ana» ataǵyna ıe bolǵan, birinshi jáne ekinshi dárejedegi «Ana dańqy» ordenderimen marapattalǵan, 18 jasqa deıingi balalary bar analar zoobaqqa tegin kire alady.
Ol úshin zoobaqtyń kassasyna tıisti kýálikti kórsetý qajet. Sondaı-aq, kassadan bir ret tegin otbasylyq fotoǵa túsýge kýpon alýǵa bolady», - delingen habarlamada.
Ana kúni - álemde keńinen atap ótiledi. Bul mereke resmı túrde 2012 jyly bekitilgen jáne jyl saıyn qyrkúıek aıynyń úshinshi jeksenbisinde atap ótiledi.
