Almatyda kóp balaly analarǵa «Altyn alqa» jáne «Kúmis alqa» tabys etildi
ALMATY. QazAqparat - Búgin Almaty qalasynyń Medeý aýdandyq ákimdiginde eki batyr anaǵa erekshe qurmet kórsetildi. Aýdan turǵyndary - Sofıahan Álimova «Altyn alqa», al Polına Kýzmına «Kúmis alqa» alqasymen marapattaldy.
Bul týraly Jarlyqqa Elbasy ústimizdegi jyly 18 qarashada qol qoıǵan.
«Bala baýyr etiń, ómirdegi eń basty baqytyń. Bala - ómirińniń jalǵasy. Sondyqtan, barlyqtaryńyzǵa densaýlyq, baqyt, bereke-birlik, otbasylaryńyzǵa amandyq tileımin. Qazirgi tańda balany durys tárbıeleý úlken mańyzǵa ıe. Sizderdi marapattaý men úshin úlken qurmet. Marapattaryńyz qutty bolsyn!, - dedi óziniń quttyqtaý sózinde Medeý aýdany ákiminiń mindetin atqarýshy Janna Dosanova.
Sofıahan Álimova budan eki jyl buryn «Kúmis alqaǵa» ıe bolǵan eken.
«Men el Prezıdenti atynan osyndaı marapatqa ıe bolǵanyma óte qýanyshtymyn. Barlyq qazaqstandyq qyz-kelinshekterge halyq sanyn arttyrýǵa úles qosyńdar degim keledi. Otbasylaryńyzdyń amandyǵyn tileımin. Rahmet!», - dedi batyr ana S. Álimova.
Óz kezeginde Polına Kýzmına da bul marapatqa óte rıza ekendigin jetkizdi.
«Men úshin bul óte qýanyshty sát. Barlyqtaryńyzǵa rahmet! Qazirgi zamanda kóp balaly ana bolý, balalaryńdy qatarynan kem qylmaı baǵyp-qaǵyp ósirý ońaı emes. Kúıeýińniń qoldaýynsyz eshbir áıel mundaı qadamǵa barmaıdy. Sondyqtan, qyzdarǵa jaqsy jigitterge turmysqa shyǵyńyzdar degim keledi», - dedi P. Kýzmına.
