Almatyda qonys aýdarý qory qurylady
Erbolat Dosaev megapolıste turǵyn úı qoryn jańartýdyń jańa baǵdarlamasy ázirlenip jatqanyn aıtty.
«Byltyr máslıhat qonys aýdarý qoryn qurýǵa qatysty oıymdy qoldaǵan edi. Qor osy jyldyń úshinshi toqsanynda óz jumysyn bastaıtyn bolady. Biz aldymen bıýdjet esebinen baspana satyp alamyz, sol jerge buzylatyn úılerdiń turǵyndaryn kóshiremiz. Tek sodan keıin ǵana apatty úıler súriledi. Osy sharalardyń barlyǵy adamdardyń jaıly ómir súrýi úshin jasalady. Sonymen qatar Almaty áleýmettik-kásipkerlik korporatsııasy arqyly jeke ınvestor júzege asyratyn jobalarǵa qarjy bólindi»,- dedi Almaty ákimi.
Onyń aıtýynsha, renovatsııa baǵdarlamasy ýaqytsha toqtatyldy.«Jaqyn arada Úkimet Almaty qalasynyń 2040 jylǵa deıingi Bas josparyn bekittedi dep úmittenemin. Qazirgi ýaqytta tıimdi baǵdarlama ázirleý úshin renovatsııa baǵdarlamasyn ýaqytsha toqtattym. Jańartylǵan nusqadaǵy joba jalpy talqylaýǵa usynylady», - dedi Erbolat Dosaev.
