Almatyda konsýltatıvtik -dıagnostıkalyq balalar ortalyǵy ashyldy
ALMATY. QazAqparat – Almatydaǵy №2 qalalyq balalar klınıkalyq aýrýhanasynyń bazasynda konsýltatıvtik -dıagnostıkalyq balalar ortalyǵy ashyldy, dep habarlaıdy QazAqparat tilshisi.
Ortalyqta onkogematolog, nevropatolog, nefrolog, endokrınolog, kardıolog, allergolog, pýlmonolog, gastroenterolog, gemofılııa, qant dıabeti kabınetteri jumys isteıdi.
« Búgin №2 qalalyq balalar klınıkalyq aýrýhanasy bazasynda konsýltatıvtik -dıagnostıkalyq ortalyq resmı túrde ashyldy. Negizi biz sáýir aınan beri jumys istep kelemiz. Tórt aıdyń ishinde jeti myńnan asa naýqasty qabyldap, emdeý sharalaryn júrgizdik», - dedi Konsýltatıvtik-dıagnostıkalyq ortalyqtyń meńgerýshisi Asel Asqarqyzy.
Sondaı-aq, ortalyq búgin Konstıtýtsııa kúnine oraı ashyq esik kúnin uıymdastyrdy. Kelýshilerge mamandar tegin keńes berdi.
« Men 7 jastaǵy qyzymdy allergolog, kardıolog jáne nefrologqa alyp keldim. Dárigerden keńes aldym. Ótkizilip jatqan shara men sııaqty naýqas balasy bar ata-analar úshin úlken demeý. Raqmet», - deıdi qala turǵyny.
Ortalyq zamanaýı medıtsınalyq quraldarmen jabdyqtalǵan.
«Munda naýqastardy tolyqtaı medıtsınalyq tekserýden ótkizýge múmkindik bar. Ortalyq sońǵy úlgidegi medıtsınalyq quraldarmen qamtamasyz etilgen. Atap aıtsaq, kompıýterlik tomografııa, KT -128, MRT, Rentgen - RFM-525 HF, ýltradybys jáne EKG apparatary bar»,- dep qosty ortalyq meńgerýshisi.
