Almatyda Konstıtýtsııa kúnine oraı velojarys ótedi
ALMATY. QazAqparat- Almatyda 30 tamyz - QR Konstıtýtsııasy kúni merekesine oraı velojarys ótedi. Bul týraly búgin Almaty qalasy ákiminiń baspasóz qyzmetinen habarlady.
«Qatysýshylar 30 tamyz kúni tańerteń 7 saǵat 30 mınýtta Halyqaralyq «Suńqar» shańǵy tramplınderi kesheni aldyna jınalady. Jarys saǵat 8:00-de bastalady. Máre syzyǵy Ortalyq stadıonnyń aldy» - delingen habarlamada.
«Suńqar» shańǵy tramplınderi kesheni aldynan shyqqan veloshabandozdar ál-Farabı dańǵylyna túsip, batys baǵytta Rozybakıev kóshesine deıin baryp, sol kóshemen tómen qaraı Abaı dańǵylyna deıin jarysady, odan ári Abaı dańǵyly boıymen shyǵysqa qaraı baǵyt alyp Ortalyq stadıonda márege jetedi.
Osyǵan baılanysty atalǵan baǵyttarda kólik qozǵalysy shekteledi. Sondyqtan uıymdastyrýshylar qala turǵyndary men qonaqtaryn jarys ótetin kúni qalada júretin baǵyttaryn aldyn ala rettep alýlaryn suraıdy.
