Almatyda konservatorııaǵa qarama-qarsy jerdi ákimdik satyp aldy

ALMATY. QazAqparat - Almatyda Abylaı han dańǵyly boıyndaǵy konservatorııaǵa qarama-qarsy jer telimin ákimdik satyp aldy, dep habarlaıdy QazAqparat tilshisi.

Almaty ákimdiginiń 6 tamyzdaǵy № 3/323-2065 qaýlysy boıynsha, aýmaǵy 0,0116 ga bolatyn jer ýchaskesi Ýsýpova Vıoletta Tıgranovnadan (kadastr nómiri 20-311-007-056) májbúrli túrde satyp alynady. Májbúrlep kóshirý 2019 jyldyń 31 jeltoqsanyna belgilengen. 

Bul jumystar QR Úkimetiniń 2002 jyldyń 19-jeltoqsanyndaǵy №1330 qaýlysymen bekitilgen Almatynyń bas josparyn júzege asyrý úshin atqarylyp jatyr. 

Atalǵan jer telimi Qurmanǵazy atyndaǵy Qazaq Ulttyq konservatorııasyna qarama-qarsy ornalasqan. Ol jerde bir qabatty ǵımarat bar. Ǵımaratta ár kezderi gúl salony, dúken, oıyn avtomattary ornalasqan. 

Odan bólek, qaýly aıasynda Rysqulov pen Emtsov kósheleriniń qıylysyndaǵy, Alataý aýdany Qurylysshy shaǵyn aýdanyndaǵy Kúreńbel men Yrysty kósheleriniń boıyndaǵy ýchaskeler de májbúrli túrde satyp alynatyn boldy.