Almatyda kóńildiler men tapqyrlar klýbtary arasynda Premer-lıga komandalarynyń shırek fınaldyq oıyndary ótti
ALMATY. Sáýirdiń 6-sy. QazAqparat /Erlik Erjanuly/ - Keshe Almatyda kóńildiler men tapqyrlar klýbtarynyń respýblıkalyq Premer-lıga komandalary arasyndaǵy jartylaı fınaldyq oıynǵa joldamama alǵan komandalardyń aty belgili boldy,
dep habarlaıdy QazAqparat.
Mádenıet mınıstrligi, Qazaqstan KVN odaǵy jáne «Esaǵa» shyǵarmashylyq birlestigi birigip uıymdastyrǵan shırek fınalǵa 28 komanda qatysty. Eki kúnge sozylǵan bul saıysta olardyń 14-i jarystyń kelesi kezeńine ótti. Onyń ishinde Almatydan Qazaqtyń Qurmanǵazy atyndaǵy ulttyq konservatorııasynyń - «Nar táýekel», Qazaqtyń Temirbek Júrgenov atyndaǵy óner akademııasynyń - «Zańǵar», Astananyń «Temirjol tarlandary», Tarazdyń - «Taraz-2000», Arystyń - «Arys», Shymkenttiń «Barys» jáne Túrkistandaǵy Qazaq-túrik ýnıversıtetiniń quramasy bar. Respýblıkalyq Premer-lıga komandalarynyń jartylaı fınalynda baq synaıtyndardyń qataryna endi maýsym aıynda Astanada ótetin saıysta taǵy 2 komanda qosylatyn bolady.
