Almatyda Konfederatsııa kýbogy sarapqa salynady
ASTANA. QazAqparat - Erteń Almaty qalasyndaǵy «Balýan Sholaq» sport kesheninde Konfederatsııa kýbogy bastalady, dep habarlaıdy QazAqparat tilshisi.
Boks, kúres, dzıýdo jáne taekvondo (WTF) sportynan tuńǵysh ret ótkeli otyrǵan birlesken komandalyq jarystyń jalpy júlde qory - 125 mln. teńge.
Konfederatsııa kýbogy úshin qatysýshylar jerebe arqyly tórt topqa bólingen. Ár topta 4 oblystyń sportshylary fınaldyq báseke úshin baryn saldy.
«A» tobynda Qyzylorda oblysy men Almaty oblysy, sonymen qatar Astana jáne Almaty qalasynyń dzıýdoshylary aqtyq joldama úshin beldesti. Nátıjesinde, dzıýdodan Qyzylorda oblysynyń sportshylary myqtylyǵyn dáleldep, toptan sýyrylyp shyqty.
ShQO, BQO, SQO jáne Aqmola oblysynyń dzıýdoshylary «V» tobynan beriletin joldamaǵa talasyp, nátıjesinde bul toptan ShQO-nyń sportshylary úzdik dep tanylyp, Almatyda ótetin jarystyń jartylaı fınalyna joldama aldy.
Rıo Olımpıadasynyń qatysýshylary Dıdar Hamza men Jansaı Smaǵulov ta basty básekeden tys qalǵan joq. Jerebe boıynsha eki oblys sportshylary, atap aıtqanda, Qaraǵandy oblysy men OQO sportshylary bir topqa túsken. Sondaı-aq, bul topta Pavlodar oblysy men Qostanaı oblysynyń dzıýdoshylary da bar. Tórt oblys ishinen Qaraǵandynyń sportshylary qyraǵylyq tanytyp, Konfederatsııa kýbogynyń jartylaı fınalynda beldesetin boldy.
Mańǵystaýdyń dzıýdoshylary, Aqtóbe oblysy, Atyraý oblysy jáne Jambyl oblysynyń sportshylary «D» tobynda kúsh synasty. Bul toptan irikteý kezeńinen irkilmeı shyqqandar - Jambyl oblysynyń júırikteri.
Búgin jyldyń basty sporttyq sharasy bolyp sanalatyn Konfederatsııa kýbogynyń jartylaı fınalynda beldesetin dzıýdoshylar tizimi anyqtaldy. Ár óńirdiń namysyn qorǵaıtyn sportshylar tizimi kelesideı:
Qaraǵandy oblysy: Jansaı Smaǵulov, Qaırat Aǵybaev, Aıdyn Dartaev, Erkebulan Qanafın, Erjan Shynkeev, Dmıtrıı Cherkasov, Tımýr Jarasov.
Jambyl oblysy: Eldos Smetov, Jeńis Saılaýbaı, Oraz Nurdáýlet, Bekádil Shaımerdenov, Azız Qalqamanuly, Ahmet Dáýlet, Aıtbek Aıbol, Dáýlethan Jaqypov, Jambyl Turǵanalıev, Abaı Erboluly.
Qyzylorda oblysy: Darhan Serjanov, Erlan Jaqsybekov, Ǵalym Abdirahmanov, Aqylbek Serik, Batyr Muqataev, Erjan Abdýllaev, Jaıdarbaı Esenov, Oljas Qalnııazov, Nurym Sálimgereev, Elaman Erǵalıev.
Shyǵys Qazaqstan oblysy: Erlan Serikjanov, Ilıas Izmagılov, Nurlan Orazalın, Eldar Bısembaev, Dastan Yqybaev, Ersin Seıitqazynov, Áset Ahmetjanov, Maqsat Mázibaev, Dáýren Nuralınov, Erasyl Qajybaev.
