Almatyda qonaqúıde 38 jastaǵy er adam janjal shyǵardy
ALMATY. QazAqparat- Almaty qonaqúıleriniń birinde mas er adam janjal shyǵardy, dep habarlaıdy QazAqparat tilshisi.
Almaty qalalyq polıtsııa departamentiniń málimetinshe, oqıǵa Túrksib aýdanynda bolǵan.
«38 jastaǵy er adam óziniń súıiktisimen birge qonaqúı nómirin jalǵa alǵan. Birneshe saǵattan keıin qonaqúı qyzmetine kóńili tolmaǵan ol aqshany qaıtarýdy talap etken. Destrýktıvti dinı aǵym belgileri bar er adam mas bolǵan. Ol mekeme qyzmetkerlerine bylapyt sózder aıtyp, dórekilik tanytqan, keter kezinde resepshn ústelin tepken», - dep naqtylady polıtsııadan.
Buzaqynyń Almaty oblysynyń turǵyny ekeni belgili boldy.
Oǵan qatysty ÁQBtK 434-baby «Usaq buzaqylyq» boıynsha ákimshilik is qozǵaldy.
Bul bapta bes aılyq eseptik kórsetkish mólsherinde aıyppul nemese 10 táýlikke deıin qamaýǵa alý qarastyrylǵan.
