Almatyda qonaq úılerdiń reıtıngi jasaldy
ALMATY. QazAqparat - Búgin Almatyda eń úzdik qonaq úılerdi marapattaý rásimi bolyp ótti. Bul shara qalalyq týrızm basqarmasynyń júzege asyryp jatqan «Almatynyń meımanhanalyq qoryn zertteý jáne ornalastyrý oryndary» jobasy aıasynda uıymdastyryldy.
«Biz bul zertteý arqyly qalada qansha ornalastyrý oryndary bar ekendigin jáne olardyń daıyndyq deńgeıiniń qandaı ekendigin bilgimiz keldi. Týrızm basqarmasy tarıhynda tuńǵysh ret uıymdastyrylyp otyrǵan bul joba 2017 jyly elimizde bolatyn eki iri sharaǵa baǵyshtalyp otyr. Olar qysqy Ýnıversıada men Ekspo halyqaralyq kórmesi. Ekinshi shara Astanada ótetin bolsa da, Almatyǵa da týrıster keledi dep otyrmyz», - dedi óz sózinde Almaty qalalyq Týrızm basqarmasy basshysynyń mindetin atqarýshy Lıýbov Burymbaeva.
Zertteý jumystaryn Qazaqstannyń qonaq úıleri men meıramhanalary Qaýymdastyǵy bıylǵy jyly 15-shi maýsymnan 15-shi qyrkúıek aralyǵynda júrgizgen.
«Bizdiń aldymyzǵa osy saladaǵy naqty jaǵdaıdy anyqtaý mindeti qoıyldy. Sóıtip, biz jalpy derekterdi júıeleý quraly retinde reıtıng júıesin paıdalandyq. Bul jerde kózben sholý jáne «Jasyryn satyp alýshy» ádisterin qoldandyq. ıAǵnı, komıssııa múshesi ýaqytsha turýshy retinde qonaq úıden oryn alady. Reıtıngti segiz kórsetkish boıynsha jasaldy. Olardyń ishinde materıaldyq-tehnıkalyq qamtamasyz etý, qyzmet kórsetý nomenklatýrasy, málim etilgen sanatty rastaıtyn sertıfıkattyń bolýy jáne basqa da reıtıngter bar», - dedi Qaýymdastyq keńesiniń múshesi Natalıa Sergeenkova.
Onyń aıtýynsha, zertteý boıynsha 165 nysan qamtylǵan. Solardyń ishinde qazirgi tańda 140 qonaq úı jumys isteıdi. Al jeteýinde jóndeý jumystary júrgizilip jatyr.
«Solardyń ishinde 66 qonaq úıdiń juldyzdyq dárejesi belgilenbegen. Odan basqa 10 qonaq úıdiń basshylyǵy komıssııa múshelerin kirgizýden úzildi-kesildi bas tartty. Al komıssııa quramynda qonaq úı bıznesimen aınalysatyn adamdar joq. ıAǵnı, ádildik bolýly úshin qala ákimdiginiń ókilderi, áýe jelileriniń mamandary jáne meıramhana salasynda oqıtyn stýdentter engizildi», - dedi N. Sergeenkova.
Sonymen, «Hostelder» atalymy boıynsha Nomad guest house úıi eń joǵary balǵa ıe boldy. Juldyzdyq dárejesi joq qonaq úıler arasynda «Alma» qonaq úıi birinshi oryn aldy. «Tórt juldyzdy qonaq úı» atalymy boıynsha Worldhotel Saltanat, al bes juldyzdy jáne odan joǵary dáreje boıynsha The Ritz-Carlton Almaty qonaq úıi eń joǵary ball jınady.
Sonymen qatar, týrızm basqarmasynyń ókili mundaı zertteýlerdiń qonaq úılerdiń jumysyna oń áser etetindigin jáne zertteý derekteri baspasóz betterinde jarııalanatyndyǵyn basa aıtty.
