Almatyda konkı jáne shańǵy tebýdi tegin úırenýge bolady
ASTANA. QazAqparat - Almatyda konkı jáne shańǵy tebýdi tegin úırenýge bolady, dep habarlaıdy QazAqparat aqparattyq jáne sporttyq habqa silteme jasap.
14 qańtarda «Sporttyq Almaty» baǵdarlamasy aıasynda konkımen syrǵanaýdy tegin úıretý sabaqtary bastalady. Tájirıbeli nusqaýshylar saǵat 17:00-den 20:00-ge deıin «Mart» saýda ortalyǵy jáne Dýbok yqsham aýdanyndaǵy Tsentralnaıa kóshesi 8g-da ornalasqan tegin muz aıdyndaryna kelgen konkı tebýshilerdi tegin úıretýge ázir.
Sonymen qatar, 15 qańtardan bastap 1-11-synyp oqýshylaryn shańǵy tebýmen tegin úıretý sabaqtary ótedi.
Oqytý sabaǵynyń ýaqyty bes kúnge sozylady, kúnine 1 saǵat (dúısenbi-juma). Kerek jabdyqtar qosymsha tegin beriledi.
Ár topta 10 baladan daıyndalady. Ótetin oryndary men bastalýy: «PIONEER» (birińshi aýysym 10:00-de jáne ekinshi aýysym 16:00-de), «Shymbulaq» (10:00 jáne 16:00) jáne «Zvezdnaıa polıana» (09:30-dan 17:30-ǵa deıin).
Aıta ketý kerek tegin sabaqtar «Sporttyq Almaty» baǵdarlamasy aıasynda uıymdastyrylýda, ol - qaladaǵy buqaralyq sportty damytýǵa baǵyttalǵan.
